Nerukkaatissianik Kujataani nassiussineq

60° North Greenland ApS Kalaallit Nunaani savaatillit Danmarkimilu nerukkaatissaat akornanni ataqatigiissitsisuuvoq. Tassunga atatillugu ukiut tamaasa umiarsuaq attartorneqartarpoq 1.800 m tons kiisalu 2.000 m tons akornanni tunisassianik imalimmik, tassa savaatillit amigaataat tamarmik naapertorneqarnissaannut atugassat.

Usilersuineq Thyboron-imi pisarpoq tunisassiallu umiarsuup kranianik tunniussassat usilersorneqartarput. Tassani pitsaassuseq isumannaanneqartarpoq, nerukkaatissanillu misissugassat tiguneqartarlutik. Assit uani takukkit:

Umiarsuaq immerneqareerpat Kujataanut aallartarpoq, tassanilu tunniussineq ajornakusooqisoq aallartittarluni.

Savaatilinnut naasorissaasunullu ataasiakkaanut imannak tunniussineq ingerlasarpoq: umiarsuaq savaatilimmut/naasorissaasumut uniffigineqarsinnaasumut qaninnerpaamut unittarpoq tassanngaanniillu nunnigussut Atitooq tunniussassat apuuffissaq kingulleq ingerlattarpai:

Ukiuni kingullerni 20-ni Kujataani nerukkaatissanik tunniussineq ukkataqarpoq, ilami ukiut tamaasa sullitat peqatigiiffiillu ilagalugit naliliineq pisarmat. Tamanna pisarpoq pitsaassuseq annerpaaq sullissilluarnerlu piniarlugit.